【正式宣佈！】
任何同女友去玩鬼屋嘅，都係英雄好漢！
每次我同豆姐去鬼屋，出返嚟都周圍傷痕。並唔係被鬼抓，而係畀驚嚇過度嘅豆姐抓到周圍損痕。
仲記得好多年前，玩鬼屋時有隻鬼見到豆姐嚇到面都青埋，就不停嚇佢，豆姐就起勢咁搣我同抓我。
「妳驚不如唔好玩啦。」我。
「但我驚得嚟又好刺激喎！我哋再入第間啦～」豆姐。
為咗我唔會死喺鬼屋，我雙手合十求隻鬼：
「鬼大哥，唔好再嚇佢了。我就快頂唔到，你睇吓我隻手都係血痕，你畀佢安安全全咁離開啦。」
講完呢句，全程鬼屋都再無鬼彈出嚟嚇我哋。
今次受邀請去「AEON海洋公園哈囉喂會員同樂日」，希望各位鬼大哥高抬貴手，畀小橙有命行返出嚟，唔會成為鬼屋入面嘅冤魂。
#AEON信用卡會員 #先攞飛後消費 #9月29日任玩 #海洋公園哈囉喂 #itsHELLOween #聯萌出動
Search